الخميس، يوليو ١٤، ٢٠٠٥

كفاية سياسة

الواحد بقاله أكتر من شهر مش قادر يفكر في حاجة مش مرتبطة بالسياسة
كل الكلام و التفكير و القراية و الكتابة و حتى الهزار عن السياسة
أنا عارف ان المدونة بتاعتي سياسية ، بس غالبا مكنتش بتبقى 100% سياسة
فقلت أكتب النهاردة حاجة ملهاش علاقة بالسياسة و الجد خالص
و بالمرة أجرب أكتب بالعامي

هكتب عن اللي فاكره من برامج أطفال و مسلسلات كارتون شفتها و أنا صغير
يمكن الناس اللي قضت جزء من طفولتها في التمانينات تفتكر معايا

أكتر حاجة فاكرها من الحاجات في التلفزيون هيا أغاني الأطفال

فاكر اغنيتين لعبد المنعم مدبولي واحدة بتاعة توت توت اللي بيعمل فيها قطر و مراته هدى سلطان عايزة تنيم العيال ، و أغنية كان في ولد اسمه الشاطر عمرو و كمان كان فيه جدو بشنبات ، و فيها صلاح السعدني قاعد متضايق عايز يذاكر

و اغنية زوبة بصوت محمود ياسين الخشن قوي

و طبعا أنا أنا أنا ابريق الشاي

فاكر برنامج حروف من نور و فاكر انه في آخره كانوا بيقولوا الفزورة بصوت سريع مكنتش بعرف أحلها


كان فيه فوازير جدو عبده اللي كان فيها عمدة انسان آلي اسمه قلقاسة و كان العمدة الحقيقي متضايق منه قوي

فاكر العروسة اللي اسمه بقلظ و كان بيطلع مع مذيعة و يقعدوا يتكلموا سوا


أما مسلسلات الكارتون فدي يمكن اللي قضى جزء من طفولته في دولة من دول الخليج أو العراق يفتكر معايا

التنين الصغير

كنت بحب المسلسل ده قوي ، تنين صغير نفسه يطلع راجل مطافي ، و باباه التنين الكبير بيحاول يعقله ، و التنين الصغير دايما يغلط و هوا بيطفي النار و يطلع نار من مناخيره

سالي
عارف ان ده مسلسل بناتي ، بس أعمل ايه! كنت بتفرج عليه!

بنت نص انجليزية و نص هندية في مدرسة داخلية بتاعة الأغنيا ، أبوها الغني هيموت و هتتشحتف من بعده ، مديرة المدرسة الشريرة هتشغلها خدامة في المدرسة ، و هدوم مقطعة و مش لاقية تاكل و أوضة مليانة فيران ، حاجة بائسة عالآخر . في الآخر هترجع غنية و هييييه

مازنجر

فاكر مازنجر كان معاه واحدة انسان آلي بنت اسمها أفروديت ، كان سلاحها عبارة عن انها تضرب صاروخين ، هما عبارة عن صدرها...

لسه واخد بالي من غرابة ان ده يكون في مسلسل اطفال... و مستغرب اني لسه واخد بالي من موضوع الصواريخ ده دلوقتي بس...

جرانديزر
دايسكي

اللي هوا دوق فليت اللي جاي من الفضاء و هوا اللي بيركب جرانديزر ،

و معاه صحابه الدكتور مدير المعهد

و العيلة اللي ساكنة في المزرعة ، فاكر الأب القصير اللي معلق طاقية اكبر منه على ضهره ،

كان الكارتون المفضل ليا.

كعبول

كعبول كلب كسلان بيحب ياكل كتير و قلبه أبيض عايش مع عبقرينو اللي بيخترع حاجات فاشلة و في قط لئيم دايما يغلس عليه

السنافر

شرحبيل الشرير كان دايما يجري وراهم بشبكة عشان يصطادهم مع قطه الشرير و يطبخهم في الحلة

الغابة السعيدة

مسلسل فيه أسد صغير بيعمل مغامرات في الغابة ، المسلسل ده مشفتوش في التلفزيون ، كنت بشوفه لما أزور واحد صاحب بابا كان هوا و مراته محرومين من نعمة الانجاب ، كانوا مجهزين اوضة اطفال و كان فيها فيديو و جنبه شرايط أطفال كتير ، و كنت دايما لما أروح عندهم أتفرج على الغابة السعيدة

أليس في بلاد العجائب









أليس و الأرنب و هامتي دامتي و ملكة و ملك الكوتشينة و العساكر و الأرنب الكبير عم الأرنب
الصغير و القطة المختفية


ثاندر كاتس

مش فاكر حاجة عن المسلسل بس فاكر اني كنت بحبه و كان عندي تلات أو أربع لعب على شكل الأبطال و كل واحد في في ضهره زرار أدوس عليه يحرك دراعه ، كنت بلعب بيهم كتير قوي

افتح يا سمسم

النسخة العربي من شارع السمسم ، أكتر حد كنت بحبه فيه نعمان التخين

و ملسون البغبغان


شرلوك هولمز
شرلوك و واتسون كلاب

بيحلوا القضايا اللي مسؤول عنها عدوهم الغلس اللي لونه بنفسجي.

لسه فاكر حلقة كان فيها حجر رشيد مسروق ، و في لقطة بيظهر فيها واحد فرنسي بيطالب بالحجر ، و واحد مفروض انه مصري اسود ولابس لبس غريب و بيبرطم بكلام
اهبل ... مكنتش لسه قريت ادوارد سعيد...

هناك ٢٩ تعليقًا:

The Sandmonkey يقول...

Tesada2 i was just talking about those shows ma3a as7aby maygeesh men esbo3? Yemken kollenna 3andenah 7alet 7aneen leltofoolah el yomein doll men el 2araf elly a7nah feih. Hmm.

Grandeizer was the shit. My favorite show hands down. Makontesh ba2dar at7arak men 2odamoh. Daisky, maria, kuji we hikaro against Blaky, gandal,zoreel we vega el kabeir. El show dah kan epic wallahy. Ana lessah 3andy the last 4 epsiodes, lamah grendeizer we dok fleed beybahdoleoh Vega we regaltoh. Ra3d el fada2 ya welad el kelb. Bess hiyah el raza el mozdawegga elly kanet betkhalas el modo3 3alatool. 3aly 3aly batala fleed...

Bas my love for grendeizer destoryed Maznger to me. I always felt it was a rip off,the poor man's grendeizer, especially that Kuji we maher always looked the same, and the trheat kan ardy we mesh fada2y. Not to mention Aphrodite, elly kan koll shoglaha enaha to2a3 fe moshkelah, tedrob el bezzein sawareikh beto3ha doll we to23od tekaky le7ad ma mazenger yenkezhah. Balah hags ya 3am.

As for the otehr choices, yes for sanafer, ka3bool, sherlock holmes we thudner cats. Ana kont bardoh be7eb transformers elly kan beegy fih akher 7ala2at data data computer. I also kont ba7eb show keddah mesh faker howa kan esmoh eih, bass it was about dogs pretending to be dogs but they were technologically advanced we yedkholoh el zebalah we tela2y enaha madkhal le el secret base beta3ethom. Hmmm, u know what i am talking about?

we kan bardoh feeh el bionic six. doll kanno gamdeein. we i also gatly fatrah el power rangers, bas kabart 3ala el film.

ahh ya mo. Raga3telly zekrayat 7elwa ya wad. why did we ever grow old? Malhah kenet el tofoolah. makent 7elwa el tefolloah.
Bala 2araf!

Mohammed يقول...

yes, mazinger was zebala compared to grandizer
i love the parts where hikaru and kuji get their own advanced ships and grandizer can join with them,so he can dive in water after elte7am with hikaru's ship and el 7affar with kuji's
and the evil guys: the one whose face is half man and half woman and they fight with eachother all the time
vega el kabeer was so ugly and evil, and i loved it when grandizer killed him with elbeta3 da elli beytalla3o men ketfo...

el tefoola is nice wallahi :)

حـدوتـة يقول...

دوووووووووووووق فلييييييييد

هو ده بتاع فليتضخم الوحش؟؟ الرياح الهادرة! النار المتأججة! عاااااا!!

طب وكان في ساندي بل وهايدي...برضه بنتين يتامى وحاجة آخر تخريط بصل ع القلب

أنا بحب النسخة دي من أليس...والأرنب باني باني

وبعدين البرنامج كان اسمه زهور من نور مش حروف من نور يا محمد! فتحي يا زهور فتحي...لا لا...واصحي معانا وصحصحي...لا لا :))

طب حضرت كرنبة؟ وماما عفاف الهلاوي؟ وماما سامية شرابي؟

وكان في باربا بابا...دول عائلة من الكور كده وكل كرة لون وكل كرة لها شخصية وممكن ياخدوا شكل أي حاجة

وفي حفلات عيد الطفولة بتاعت صفاء أبو السعود: أن أن أن...إن إن إن...الشمس البرتقاني عليها ليا سنة

ياه يا محمد...أنا قاعده مبتسمة ادام الشاشة وأنا باقرا التدوينة دي :))

Mohammed يقول...

صفاء أبو السعود
كان ليها أغنية بتاعة فرشة السنان و النضافة

مش فاكر بقية الحاجات اللي بتحكي عليها

آخ!

ازاي نسيت بوجي و طمطم!!!!
بس بوجي و طمطم القدام خالص مش الحاجات الجديدة


هاهاهاهاها

فاكر دلوقتي مرة رمضان اللي فيه حلقة عن بوجي لما ياكل كتير و يطلعله كرش و يمشي يعيط كانوا يغنوله : حرمت يا بوجي ؟ يرد و يقول: حرمت!
سنتها مرة أكلت قطايف كتير ماما قعدت تقولي: حرمت يا بوجي حرمت؟

ihath يقول...

ياه يا محمد
ذكريات جميلة.غرندايزر كان أحسنهم في نظري.

ولكني أيضاً أتذكر في الكويت قصص الشاطر حسن مع شبروح الساحر الشرير الذي يحاول قتله ولكن الشاطر حسن دائما ينتصر عليه

The Sandmonkey يقول...

"i love the parts where hikaru and kuji get their own advanced ships and grandizer can join with them,so he can dive in water after elte7am with hikaru's ship and el 7affar with kuji's"

The last 3 episodes, when they all got new advanced ships. Kuji dayman kann metzabat though. Kan 3andoh el awel the sahn el asfar, then the plane looking space ship ell kan grendeizer beya3mel ma3aha elte7am and then they all got the new ships that all combine with eachother , with Kuji flying the one with the 7afar. We fe alakher those ships save the day.

"and the evil guys: the one whose face is half man and half woman and they fight with eachother all the time"

Gandal we lady gandal. Fe el akher she betrays vega so he kills her and goes on a kamikaze mission against dooc fleed. Bas 3alah mein ya bah. Dah daisky. Dook fleed beykhales 3aleih 3alatool.

"vega el kabeer was so ugly and evil, and i loved it when grandizer killed him with elbeta3 da elli beytalla3o men ketfo..."

El raza el mozdawegah. mesh ba2olek kanet betkhales el mawade3 dih 3alatool? Kan daymen nefsey feeha dih.

Bas hands down, asya3 part of grendeizer was the part when daisky runs through the corridor, jumps in the air, changes outfits in midair, becomes dook fleed we lands on the driver seat. Kont bat3a2d menha dih.
wallah when he release dreindeizer from the UFO and his chair goes down to the command central in grendiezer's head and he does the whole 360 spin with his chair 2abl ma yodkhol. Ahh ya 2alby.

Dook fleed kan metzabat ya ged3an.

moe يقول...

جرندايز ايضا كان ادمان طفولتي,هديتي ليك "جرندايزر,الاعمال الكاملة علي حوالي 15 سيدي" :)

غير معرف يقول...

محمد احلف لك أنى انا اكلت قطايف كتير اليوم بتاع الحلقة بتاعت بوجى و طمطم و غنوا لى فى البيت نفس الحاجة!!!

Arabi يقول...

علي علي بطل فليد هيا طر يا جرندايزر. حارب شرا حطم مكرا في حمم ويباء.
هذا العدل يا جرندايزر..كوكب جميل.
........................
لا أذكر ما تبقى من الأغنية.
و خارج أفلام الكرتون أشتاق جدا لموسيقى الثمانينات و نجومها و كليباتهم في ذلك الوقت. مثل جورج مايكل و جاكسون و مادونا و غيرهم الكثير ممن نسيت أساءهم الآن.
و لا أنسى عمرو دياب بقصة شعره الغريبة بمقاييس الألفية الثانية.
و حنان و تنورتها المزركشة التي لن تلبسها اليوم أي فتاة حتى لو على جثتها.
أيضا هناك ألعاب الأتاري و صخر خصوصا نيميسس.
كل شيئ كان أجمل.

بس

R يقول...

شرحبيل؟؟؟ كنت فاكره شرشبيل! مش شرحبيل ده شخصيّة تاريخيّة من الصحابة؟

مش عارف ليه أنا الوحيد الظاهر اللي كنت باشوف "چونجَر" قبل مازنجر والعالم التقليد دي. "حطم الأسوار.. حارب الأشرار.. چونجر چونجر البطل الجبّار"


نرجع نقول.. أنتوا من دور ولادي

أما عن أغنية صفاء أبو السعود.. هل تقصد:

"أصحابي وصاحباتي
...
بصّوا وشوفوا حياتي
إنّما إيه في السر

عندي صابونة شقية
مكارة ولعبيّة
قبل ما أغسل وشي...

مش فاكر
"

Arabi يقول...

رامي إنت تذكرت جنغر و أنا أتذكر الآن الرجل الحديدي.
و خماسي مع أنه ليس من الثمانينات على ما أذكر.
بس

SaSo يقول...

ايه ده فيه حاجات م اللى انت كاتبها دى واقعه منى
اكيد كانت بتيجى وانا ف السعوديه
انا كنت بحب مازينجر ذو القبضتين المدمرتين و كعبول وافتح ياسمسم وسلاحف النينجا وبوجى وطمطم
وبقلظ وتيته نجوى

Mohammed يقول...

عمر
خماسي خماسي شخصية
خمسة اشكال علمية
اتحدت في جسم واحد

غير معرف يقول...

ya 3am Ramy ana kaman faker jongar! :) kan cartoon momtaz bas ta2reban mesh faker 7aga gher eny kont akol keteer wana soghayar 3ashan ab2a jongar hehe

Ahmed يقول...

Oh, Mohammed, a lot of memories in there! During my childhood, and probably maybe till now, I enjoyed these:
1- Sally (and the ads before and after)
2- Grandizer
3- Ka3bool
4- Al-Sanafer
5- Al-Ghaba Al-Sa3eeda (or was it caled الليث الأبيض?
6- Alice fi Bilad al-3aja2eb
7- Efti7 Ya Simsim
There was also this Japanese thing called Sanshero. I loved it. That was my favourite cartoon of all times.
All good stuff!!

Mohammed يقول...

حد فاكر مسلسل أطفال كان فيه حيوانات في غابة ، كانوا عرايس كبيرة جواها ممثلين و بيعمل الأصوات ممثلين تانيين
و كان عبد العزيز مخيون في المسلسل و كان هوا بيحكي لأطفال عن حواديت الغابة
اللي كان فيها مؤامرة شريرة ضد الحيوانات الطيبة؟؟

غير معرف يقول...

هو أنا بس الفاكر ان ماما نجوى كانت تعد تقول لبقلز "عيب كدة يا بقلز" و تعد تدحك و أفتكر أن بقلز كان فى واحد قاعد يحركة من تحت الترابيزة ؟

غير معرف يقول...

فاكرا أنا عبد العزيز ماخيون, بس مش فاكرة أسم البتاع
حد فاكر أغنية صابرين.. أنا الفرخة و إحنا الكتاكيت.. أكلكوا إية أكلنا فتافيت
فيه كمان مسلسل كان بتاع إيمان الطوخى و معاها يتاع كبير قوى أسمة كوكى..
كنت بحب إفتح يا سمسم.. خاصة الضفدع كامل
أحلى حاجة بقى كانت الأخبار.. علشان أسمى كان بيتقال كتير قوى.. يقولك "و قد أعربت الجهة عن مسؤليتها عن الأحداث,مشيرة إلى...." مشهورة من يومى..هاها

R يقول...

مخيون كان التعلوب الذكي باين...

"كل أرانب الغابة

خبثا تقولش ديابة

.... تقولش تعالب"...

اللحن في دماغي بس الكلام تايه
،...

أحببت عمو فؤاد أكثر من جدو عبده

وكنت أحب "ماما نجوى (وقتها كانت ماما مش تيتا)" أكثر من ماما سامية وعفاف ومعرفش إيه.

لكن ما زلت أظن أنّ أجمل الأعمال الهادفة كانت ثنائيّة "أجمل الزهور" و"زهور من نور" مع نجوى إبراهيم ومجموعة الأطفال. كان على مستوى يحترم عقليّتنا ويوضّح أنّ التمثيل تمثيل.

"ذكي يا ذكي
/
مين بينادي/
إنت ذكي
/
مخي رياضي/
يا سلام على الغرور/
أبداً أنا مش مغرور"
ـ

Mohammed يقول...

مشيرة
فاكر المسلسل
كانت المقدمة بتقول:
كوكي كا كوكي كا ، كوكي كا كوكي كا كوكي ، كا كا كا!

بنت مصرية يقول...

فى كمان بندق وبندقة
وكابتن ماجد

بس احلى حاجة كانت ماما نجوى وبقلظ
انا فاكرة مرة جابت سمكة فى طبق مع ليمونة عشان تعلمه ياكل سمك ازاى

وجدو عبده والعمدة الألى كان جميل

"عم يا جنينى ادينى وردة والنبى يا جنينى ادينى ورده"

وفى كمان باور رينجرز والنينجا تيرتلز بتوع البيتزا والصحفية ابريل اللى كانت النسخة العربى بتاعتها اسمها نيسان

وكان فى مسلسل كارتون البطلة بتاعته ارنبه وارنوب فى مدينة مثالية الشرير اللى فيها كان تعلب

برامج الأطفال ايامنا كانت نوعا افضل من دلوقتى

حاجة واحدة كانت مملة وغبية هى البرلمان الصغير
الحاجة الوحيدة اللى كانت تخلينا نتفرج عليها هو فادى خفاجة لما كان يطلع انه فلاح دمه خفيف

اه وفى كمان سينما الأطفال اللى كانت بتقدمه ماما عفاف الهلاوى وكان بيجيب أفلام أطفال
صحيح كانوا بيكرروها كتير بس كان فى أفلام يابانى تقريبا كانت حلوة اوى

Mohammed يقول...

بنت مصرية
سينما الاطفال يوم الجمعة الصبح

"سينما الأطفال سينما!
دي أحلى حقيقة و احلى خيال!"

ibn_abdel_aziz يقول...

فكرتني بايام زمان يا محمد
انا اصلا ولحد الان اعش الخيال العلمي

كنت بحب
فارس الفضاء
جرندايزر
الرجل الحديدي
مازنغر
ثاندر كاتس

وغيره كتير

وعدنان ولينا برضك :)
وطبعا السندباد

ولازلت اشاهد كارتون باتمان
هيه ...دنيا :)

غير معرف يقول...

طب حد فاكر "تيلى ماتش"..؟؟ كان بتقدمة كاميليا العربى.. ??لكلبة لاسى إللى كان بيجى فى سينما الأطفال..?? أوعى حد يكون نسى عالم البحار..؟؟و برنامج عالم الحيوان بتاع يوم الجمعة..؟؟ دى كانت برامجى المفضلة...:))صحيح هو كفاية سياسة بس مش ممكن حد ينسى منظر السيد الرئيس و هو بيرفع علم مصر على أرض سيناء فى تحرير طابا.. و ياسمين الخيام هرتنا مصر اليوم فى عيد... فضلنا نشوف سعادتةاليوم بطولة..هاها.. ماكناش عارفين إننا لسة حنفضل نشوفة كمان سبعتــــــــــاشر سنة..:)) آسفة بس الذكرى جت على الجرح

R يقول...

أنا برضه فاكر كوكي كاك.
وما كنتش باحب الكلبة لاسي ولا عفاف عشان ما كنتش باحب أصحى بدري يوم الجمعة!!

"ياسمين الخيام هرتنا"
هي شادية اللي هرتنا: مصر اليوم في عيد.
ياسمين الخيام كانت هاريانا: الليلة عيد!

تلي ماتش كان رائع وبالذات المذيع بتاعه، وكان هو نفسه مذيع دوري كرة القدم الألماني.
ـ

ألِف يقول...

و محدش فاكر الليث الأبيض!
في رأيي هو و فارس الفضاء و الغواصة الزرقاء و السندباد و أليس في بلاد العجائب أفضل ما عرض من كارتون عربي.
هناك قائمة طويلة من المسلسلات الجيدة.
أما كابتن ماجد فلا أطيقه.."أبطال الملاعب" هو الأصل.

و طبعا فاكر مسلسلات البنات اليتيمات الكئيبة.

عندي مسودة تدوينة شبه دي منذ فترة..
:)

غير معرف يقول...

كنت بادور على حاجات خاصة بالأطفال على النت و لاقيت الموضوع ده بالصدفة و ماقدرتش أعديه كده من غير مشاركة 
"فتحي يا زهور فتحي...و اصحي معانا و صحصحي" دي أغنية "أجمل الزهور" مش "زهور من نور"
أغنية صفاء أبو السعود كانت
"يا اصحابي و صاحباتي...هنا و محلك سر
بصوا و شوفوا حجاتي...إنما ايه في السر
عندي صابونة شقية...مكارة و لعبية
لما باغسل وشي بتشعوطلي عني
و اما باغسل ايدي تتزفلط في ايدي
تتزفلط تتنطط او تسقط في الميا
اه من يا صابونة يا شقية يا مجنونة
هاتقلي و تقلي لما هاتبقي مللي
و ياريتك ما تكشي إلا اما اغسل وشي
رغي يا حلوة و هاتي دا انا عمري ما هافررررر

عندي فوطة و فوطة
يا سلام على فوطتيني
دي فوطة زغنطوطة بصابونتي تحميني
ودي فوطة ممطوطة بعد كدة تغطيني
.........................................
عندي فرشة قروبة لها شعر زغنون
ومعاها انبوبة بتنزل معجون
اخد من ده على دي و انضف اسناني
و المع ع الهادي و ارجع اسلك تاني
الصف الفوقاني من فوقه لتحتيه
و الصف التحتاني من تحته لفوقيه
و بكده لا بتتلوث أسناني و لا تسوس
و تلالي ابتساماتي و اضحك كركركر"
وكان عندها كمان فرشة و ألوان و حاجات كتير قوي

حد فيكم فاكر مسلسل "فلونة"؟ ده كان عن قصة روبنسون كروزو. كان في كمان برنامج حلو قوي اسمه "مكتبة علاء و هناء" بيقدمه مؤمن حسن و هناء حسن, كان عندهم مكتبة كبيرة و كل يوم بيقدموا كتاب منها.
كان في مسلسل كمان اسمه "روبي" ده كنت باشوفه و انا عندي 3 سنين (من 24 سنه) طبعا مش فاكر منه غير ان روبي ده كان دب عبيط قوي 
كان في كمان اغنية لعفاف راضي اسمها "كان ياما كان" كان فيها مقطع بيقول "كان في مصري قديم اسمه امنحتب..وكان قصره العظيم فيه مكتبه وكتب..ماكانش عنده سيما ولا سكه حديد لكن كتبه العظيمة مخلياه سعيد" أنا نفسي جداً ألاقي الشريط ده علشان اسمعه لأولادي بدل الأغاني العجيبة اللي بيقولوا عليها أغاني أطفال دي!!!!!!!!!
ياااااااااااااااااااه...ذكريات قديمة قوي بس حلوة قوي. بجد شكراً لكاتب الموضوع.

غير معرف يقول...

و الله و الله يا جماعة رجعتونى لجو أنا بعشقه , استعراضات صفاء أبو السعود على المسرح بتاعة الأطفال , و ماما نجوى و بقلظ , الحيوانات كان عبد العزيز مخيون هوا التعلب و تقريباً الفنان رأفت فهيم هوا القرد , و بوجى و طمطم , مازنجر ( ماهر و الحوامة) ,أغنية محمد ثروت جدو على ,أغنية إشارة المرور بتقولنا انتباه, بابا ماجد و الألوان الفلوماستر ساعتها ما كنتش فاهم يعنى إيه فلوماستر ديه , أغنية حلوة يا زوبة , أليس فى بلاد العجائب و الأرنب إللى معاها أبو سنان طويلة ده , أغنية أنة أنة أنة بتاعة الأستاذ مدبولى و البنات الصغيرين الحلوين واقفين وراه , أغنية وردة : أنا عندى بغبغان ,صفاء أبو السعود أهلا بالعيد و الجملة بتاعتها :"سعد نبيهة بيخليها ذكرى جميلة لبعد العيد" كنت عمال أقول مين سعد ده و مين نبيهة ديه بعدين عرفت إنها "سعدنا بيها" , فين أيام برنامج عروستى , دلوأتى بوظو عقل العيال الصغيرين ببرامج الأطفال الهابطة ديه

Life is Life :) يقول...

انا كمان ،، ايه الأغاني دي فكرتني بحاجات كتيره قوي قوي

انا هاحول اجمعهم كلهم واحطهم في البلوج بتاعي

انتظروني

http://arnouba-lifebeauty.blogspot.com/