السبت، أغسطس 06، 2005

آه يا حكومة متختشيش

يا نهار اسود...!

تخيل
بعد ما قاموا به في التحرير منذ اسبوع ( هنا و هنا)
تقدم لنا جريدة أمير النفاق "تغطية" صحفية مفادها أن أعضاء كفاية اعتدوا بالضرب على أبطال الأمن الذين كانوا يقفون بجوار مظاهرة الأوبرا-فقط- ليحموا أعضاء كفاية من غضب الشعب المصري الذي يريد أن يلتهمهم بحناجره
و استمروا في رفع شعارات "لا" لكل شيئ - مخابيل- و أن عددا من المواطنين استفزتهم الهتافات فقاموا بتنفيذ مظاهرة تلقائية لتأييد الدولة...


أنا مش قادر أصدق ان في وقاحة و كدب و قلب للحقائق للدرجة دي

بعد نشر الخبر اختطف ساهر جاد الصحفي الذي يظهر في الصورة...

لا أحد يعرف أين هو حتى الآن..

هناك 9 تعليقات:

وليد يقول...

شفت القط النهارده وهو بينونو
المهم الجريده كانت مع ناس فى مكتب
لما شفنا الخبر
كله فطس من الضحك

محدش مسك نفسه
بصراحه القط ده

يجنن

المهم انه يتعلم لما يعمل بيبيى يروح الحمام
عشان ميبلش نفسه كده








المهم انى بحثت عن اسم المصور او حتى الصحفى اللى كاتب الموضوع
مفيش

ولا على الصفحة الاولى ولا فى تكملة المووضع جوه



قلت الكذاب خايف النقابة تحقق معاه
بتهمة تسهيل الدعاره


المفروض النقابه تحقق مع القواد اللى مشغله

اذا مكنش القواد نفسه اللى كاتب الموضوع ده

Mohammed يقول...

هع!
كانوا حققوا مع أحمد موسى اللي كتب ان نوال علي هيا اللي قطعت هدومها بنفسها

Darsh-Safsata يقول...

لم أكن أتخيل أنه يمكن أن يكون هناك من يفوق سمير رجب نفاقا وغباء في آن واحد ولكن يبدو أن الصحافة أصبحت مليئة بهم

بالنسبة لساهر جاد فقد نشر على موقع كفاية أنه عرض على النيابة بعد عدة أيام من اختطافه بطريقة غريبة وقد تقرر حبسه اربعة ايام

مصراوى يقول...

فى نفس يوم الهباب اللى نشرته الأخبار، نشرت روز اليوسف موضوعا شبيها بالضبط مفاده إن المتظاهرين ولاد كلب وقاموا بالاعتداء على الشرطة (شفت شعب مفترى أكتر من كده) وبعد يوم واحد نشرت الأهرام فى صفحة الحوادث نفس الموضوع مع الفارق إنه كان بيان رسمى من الداخلية
كده تبقى القصة واضحة ومش مهم طبعا ينزل اسم صحفى على موضوع من هذه النوعية، وانتظروا كتير من ده فى الفترة القادمة

Mr-Biboooo يقول...

اعتقد ان محمد هنيدى يمكنه الان استعادة جزء كبير من شعبيته و نجوميته اللى قلت لو عمل جزء تانى من فيلمه جاءنا البيان التالى لانه هيلاقى مساحة اكبر لافيهات مضحكة و طازة على غرار من اهدى مكان فى العالم

عشقك ندي يقول...

سيدنا ومولانا وتاج رأسنا
الى متي ستظل في صمتك
انه هادئا انه عاقلا رزينا
هل ادمنت تلقيبهم لك
تلك الالقاب اللعينة000
نريد منك سيدي بعض
الجنون نريد ان نشم
رائحة ثورتك
الست مستاءا الست حزينا
اه لو جربت الغضب مرة
ستدمنه انه علاج لألف
علة وما اكثر اوجاعنا
ايرضيك ما الت اليه
احوالنا
ايرضيك ان نحتمل كل
تلك المهانة
والبسمة تعلو وجوهنا
اكسر جدار الثلج الذي
تعيش بداخله واشعر
ولو مرة 000بنيراننا

عشقك ندي يقول...

فوالله ما كنت ولن تكون
يوما
سيدنا
ولا مولانا
ولا تاج راسنا

Lone Wolf يقول...

المسخرة انة متهم بضرب اربعة من رجال الشرطة,تخيل؟؟

Socrates يقول...

أيوة ضرب أربعة من رجال الشرطة
الشهود شهدوا إنه لم حوليه دائرة من الناس وقال "سقفة للنبي" العرض ده كان في باريس بميت فرنك وفانجلترا بخمسة استرليني وكرامة لأم هاشم بنقدمه بربع جنيه
وراح مطقش الأربعة في بعض زي البيض الممشش
حكم